Hiduik Sagawa

Hiduik Sagawa

Sadang taragak kampuang, Habis bahan, indak tahu nan ka ditulih, jadi tapaso sumbarang je di tulih lai, pokok e bisa manjadi Tulisan. Bisa Mahilangkan taragak Jo Ujuang Labuang, kampuang nan Tasuruak tu ha. Tapi sero hiduik di kampuang tu indak ka lupo walau alah ba a bana Hiduik di rantau urang ko.

Carito ka carito, takana carito ciek, carito pangalaman ambo wakatu ketek di kampuang.. wakatu.. Tapi Tunggu lu, ba a carito e tulisan ko barubah pulo ja bahaso kampuang ?. oh iyo Lupo tadi, dek sibuk maingek pangalaman wakatu ketek, alah sibuk je jari mangetik, rupo e bahaso kampuang lo nan taketik, tu ba a lai sanak, alah taketik jo bahaso kampuang, tu lantak je lah lai bacarito tu dak..

Caritoe mode ko sanak a.

Wakatu ketek ambo suko bana mandi-mandi lauik, dak siang dak pagi, dak tangah Hari Tongga, Patuih Kilek. Hujan Labek bagai.. kami lantak je nyeh Mandi-mandi lauik tu, awak amuah tu ba a lai..

Kalau mandi-mandi e biaso se nyo sanak.. kalau dak di ampok an ombak Ka Tanah, ko dak di guluang-guluang e.. tau-tau kalua alah paniang jo muntah-muntah dek taminum aia lauik tu..

Nan Gilo e iko sanak a.

Adoh paraturan baku nan indak tatulih dalam adaik mandi-mandi tu, dek anak-anak ujuang labuang ko. Sia nan siap mandi capek.. kami lambuik basamo-samo ja Kasiak.. sampai bacilutu badan e liak.. ( A. kok ado kisah kajadian ko ja anak-anak di kampuang sanak, paniru sanak mah.. ha ha ha.. ). Dek anak-anak nan indak ado karajo iyo dak ba a doh, santai je we e nyeh Mandi-mandi lauik tu sampai adzan mangarib, kok ambo, karajo mancari kabau tiok sanjo.. yo alah ka kanai berangan tibo di rumah, kadang di tambah lo jo palacuik dari batang sikaduduak sakali dek abak ambo, yo lah marasai badan.

Tapi kok di labuik jo kasiak jo kanai berang tibo di rumah, yo dak sabara bana takuik ambo doh..

Tapi kadang adoh lo kawan… kadang pareman nan indak mandi-mandi nan labiah gadang dari kami.. tibo di tapi pasia tu.

Ondeh.. maliek kami Mandi-mandi.. yo sabana Hiburan dek inyo. Nyo galak-galak an kami. Indak pandai Ma intai Ombak.. indak Pandai Basianyuik jo Papan ka tapi.. ( ko gaya e, ala Main Ski mah, tapi pakai papan, Main e indak Tagak di ateh papan doh, cukuik Lalok di ateh papan tu, tu maluncua jo UJuang Ombak ka tapi, ambo paliang pandai main Iko mah )

ONDEH SANAK…

Nan dek pareman Tadi, maliek kami Paneh di sabuik indak pandai Maintai ombak, jo basiluncua tadi, kami batambah paneh, kami pai katangah sadoe mancari ombak nan agak gadang..

e… waba.. bukannyo maliek kami basianyuik atau ma intai ombak.. nan dek pareman tadi.. Nyo larian baju jo Sigawa kami kasadoe .. nyo bawok lari ka dalam kampuang… nyo serak-serak an baju kami di tangah jalan..

ondeh.. iko yo malu ambo dek inyo sanak.. sabana Malu  ko ha..

Rumah Ambo jauah di Ujuang Kampuang.. sudah tu ambo harus lo ma aghak kabau Pulang.. tu dak munkin do ambo Pulang Jo sigawa Kotok doh.. ambo alah gadang, alah basunaik..

Kok di japuik Ka dalam kampuang.. alah pasti baju jo sigawa tu susah dapek e.. soalle nyo lari-larian dulu baju jo sigawa tu.. sampai Ughang sakampuang Nampak kami batilanjang..

Panah sakali yo sanak..

Dek kajadian iko.. ambo ba siuntu je di tapi pasia tu sughang.. ambo Tunggu sampai Matohari tabanam dulu.. baru ambo Pulang jo masuak Rumah.. soalle, ambo Malu Pulang.. ughang sabalah Rumah ambo.. anak Gadih e Banyak.. ha ha ha.. tu dak munkin ambo Pulang ka Rumah Basigawa Kotok doh…

Kadang-kadang sakik hati, amuah manangih lo.. ka Paja nan malarian baju jo sigawa tu.

Tu baa a lai.. alah Hukuman Urang nan Mandi-mandi lo turun manurun mah sanak di kampuang ambo..

nan malarian sigawa tu, mode itu lo nasib e wakatu ketek..

A nan kapatangko.. ambo lo nan malaghian sigawa anak-anak nan mandi di tapi pasia Tu.. alah manangih jo sakik hati lo we e.. tu ba a lai.. itu lo Hiburan ala anak kampuang Ujuang labuang nyo sanak..

Hiduik Sigawa..!!

A.. sanak-sanak nan mambaco.. ba a carito ikonyo, lai ado sanak marasoan ko.. atau sanak nan malarian sigawa ughang-ughang tu dak.. Curiga ambo ? Agiah ampu ciek..

iKo nyo sanak.. pangalaman wakatu ketek dikampuang nyo sanak.. nan takana..

kok ado loh nan takana ciek lai.. ambo caritoan lo baliak..

Sakian   Salam SAULA.. Salam Anak Ujuang Labuang..